13 октябрь куни (24-тур доирасида) «Машъал» майдонига сафар қилган «Сўғдиёна» миллий чемпионатимиз доирасида ўзининг 111-дурангини қайд этди.
Жиззах клуби дуранглар сони бўйича олий лигада 9-ўринда туради. Бу жамоанинг 8 ноябрда «Навбаҳор»га қарши ўтказган баҳси миллий чемпионатдаги 657-ўйини бўлди.
111та дуранг 30та клуб билан учрашувларда қайд этилган. Умуман олганда, «Сўғдиёна» олий лигада 657та ўйин ўтказган бўлса, уларнинг 222таси ғалаба, 111таси дуранг ва 324таси мағлубият билан якунланган.
Тўплар нисбати: 847-1111. Ушбу клубнинг дуранглари жами ўйинларга нисбатан 16,89 фоизни ташкил этади.
Жамоага 1970 йилда асос солинган бўлиб, 1990 йилдан буён «Сўғдиёна» номи остида фаолият юритмоқда. 1992 йилги мавсумда 3-ўринни эгаллаб, совриндорлардан бирига айланган. 2003, 2007, 2010, 2012 йилларда биринчи лигага тушиб кетган.
Жиззах жамоаси олий лигада кўпроқ «Нефтчи» билан «сулҳ» тузган - 9 марта. Бундан ташқари, кетма-кет 4 мавсум «Машъал»га қарши баҳсларда (2014-2017 йиллар, 4та ўйин) очколарни бўлишиб олган. Бу «Сўғдиёна»нинг бир рақиб билан ўзаро давом этган энг узун дурангли сериясидир.
2008 йилги мавсум давомида жамоа ўзи учун энг кўп - 9та дуранг қайд этган. Ваҳоланки, ўшанда чемпионатимизнинг энг муросали жамоаси «Навбаҳор» 11 марта дуранг ўйнаганди.
«Сўғдиёна» ва ОТМК клублари 9та дуранг билан ундан кейинги ўринни банд этишганди. 1992, 2004, 2015 йилларда эса Жиззах клуби бутун мавсум давомида атиги 2 марта рақиблари билан муроса кўчасини танлаганди.
-----------------------------------------------------------------------------------------
«Сўғдиёна» қайд этган дуранглар хроникаси:
