Madridning “Real” klubi bosh murabbiyi Zinedin Zidan “El-Klasiko” oldidan “Barselona” hujumchisi Lionel Messini qanday qilib to‘xtatish yo‘lini o‘ylab topdi.

Unga ko‘ra, Zidan “Barselona”ga qarshi o‘yinda asosiy raqib futbolchisi Messiga o‘zining shaxsiy qo‘riqchilaridan birini yollaydi.

Aniqrog‘i maydonda Messini to‘xtashi uchun faqat “Real” futbolchilaridan bir nafari shug‘ullanadi. Masalan Messiga bir futbolchini bog‘lab qo‘ysa, u juda qiyin ahvolga tushib qolishi mumkin.

Aynan mana shu sababga ko‘ra, “Real” murabbiyi Lionelni to‘xtatib qolish maqsadida yarim himoyachi Mateo Kovachichni tanlagan.

Esingizda bo‘lsa, “Real” Ispaniya Superkubogi doirasida bo‘lib o‘tgan “El-Klasiko” bahsida Mateoning maydondagi ishonchli harakatlari va Messiga o‘yin bermasligi evaziga g‘alaba qozongandi.

Ma’lumot o‘rnida, Mateo Kovachich mavsum boshidan beri “Real” safida atigi beshta o‘yinda maydonga tushdi.  Chunki Kovachich 14 sentyabr kuni jarohat olib, safdan chiqqandi.

Endilikda futbolchining ahvoli yaxshi holatda va jarohatini ortda qoldirib, “Real” jamoasining bugun bo‘lib o‘tgan “Fuenlabrada”ga qarshi uchrashuvida 81-daqiqa harakat qildi.

Eslatib o‘tamiz, jahonda futbol muxlislari ikkiga ajraladigan kun, butun dunyoda eng ko‘p e’tiborni jalb eta oladigan “El-Klassiko” uchrashuvi joriy yilning 23 dekabr kuni “Santyago Bernabeu” stadionida bo‘lib o‘tadi.