Ma’lumki, 2018 yilgi jahon chempionati Rossiyalda bo‘lib o‘tadi. Braziliya terma jamoasining yetakchi futbolchilaridan biri Neymar JCHda qaysi jamoalar bilan bir guruhga tushib qolmaslik haqida FIFA jurnalistlarining savollariga javob qaytardi.
“JCHda u qadar kuchli jamoalar yo‘q. Braziliya terma jamoasi duch kelgan terma jamoa bilan o‘ynashdan qo‘rqmaydi. Biz doimo o‘z ustimizda ishlaymiz. Shuning uchun hech kimdan qo‘rqmaymiz.
To‘g‘ri, gap jahon chempionati haqida ketmoqda. Musobaqaning yakuniy bosqichiga eng kuchli terma jamoalar yetib kelishgan.
Ushbu jamoalarda ham yuqori saviyali futbolchilar bor va ular musobaqada yaxshi ishtirok etish uchun bor kuchlari bilan harakat qilishadi.
Raqiblar kuchiga hozirdan baho berish noto‘g‘ri deb o‘ylayman. Jahon nufuzidagi musobaqaga borar ekansan, demak har qaysi jamoa bilan o‘ynash uchun tayyor bo‘lishing kerak”, - deydi Neymar.
Eslatib o‘tamiz, ertaga, 1 dekabr kuni JCH-2018 musobaqasiga qur’a tashlash marosimi o‘tkaziladi.
