Маълумки, 2018 йилги жаҳон чемпионати Россиялда бўлиб ўтади. Бразилия терма жамоасининг етакчи футболчиларидан бири Неймар ЖЧда қайси жамоалар билан бир гуруҳга тушиб қолмаслик ҳақида ФИФА журналистларининг саволларига жавоб қайтарди.

“ЖЧда у қадар кучли жамоалар йўқ. Бразилия терма жамоаси дуч келган терма жамоа билан ўйнашдан қўрқмайди. Биз доимо ўз устимизда ишлаймиз. Шунинг учун ҳеч кимдан қўрқмаймиз.

Тўғри, гап жаҳон чемпионати ҳақида кетмоқда. Мусобақанинг якуний босқичига энг кучли терма жамоалар етиб келишган.

Ушбу жамоаларда ҳам юқори савияли футболчилар бор ва улар мусобақада яхши иштирок этиш учун бор кучлари билан ҳаракат қилишади.

Рақиблар кучига ҳозирдан баҳо бериш нотўғри деб ўйлайман. Жаҳон нуфузидаги мусобақага борар экансан, демак ҳар қайси жамоа билан ўйнаш учун тайёр бўлишинг керак”, - дейди Неймар.

Эслатиб ўтамиз, эртага, 1 декабрь куни ЖЧ-2018 мусобақасига қуръа ташлаш маросими ўтказилади.