2006 yil Italiya terma jamoasi safida jahon chempioni bo‘lgan Fabio Kannavaro bugun bo‘lib o‘tgan qur’a tashlash marosimida yordamchi sifatida taklif etildi.

U JCH-2018 da musobaqa mezbonlari – Rossiya termasiga muxlislik qilishini aytdi.

«Afsus, Italiya Jahon chempionatida ishtirok eta olmaydi. Lekin kimgadir muxlislik qilish kerak va bu Rossiya termasi bo‘ladi.

Qur’ada ularga yordam berishga harakat qilaman», - deydi Kannavaro hazilmos ohangda.

Jahon chempionati 2018 yili 14 iyundan – 15 iyul sanasiga qadar, Rossiyaning 11 shahridagi 12 ta stadionda bo‘lib o‘tadi.