2006 йил Италия терма жамоаси сафида жаҳон чемпиони бўлган Фабио Каннаваро бугун бўлиб ўтган қуръа ташлаш маросимида ёрдамчи сифатида таклиф этилди.
У ЖЧ-2018 да мусобақа мезбонлари – Россия термасига мухлислик қилишини айтди.
«Афсус, Италия Жаҳон чемпионатида иштирок эта олмайди. Лекин кимгадир мухлислик қилиш керак ва бу Россия термаси бўлади.
Қуръада уларга ёрдам беришга ҳаракат қиламан», - дейди Каннаваро ҳазилмос оҳангда.
Жаҳон чемпионати 2018 йили 14 июньдан – 15 июль санасига қадар, Россиянинг 11 шаҳридаги 12 та стадионда бўлиб ўтади.
