«Real» klubi yarim himoyachisi Garet Beyl va himoyachi Daniel Karvaxal katta ehtimol bilan «Atletik»ga qarshi kechadigan o‘yinni o‘tkazib yuboradilar.
Bu ikki futbolchi madridliklarning jamoaviy mashg‘ulotlarida ishtirok etmaganlar. Beyl va Karvaxal mashg‘ulot zalida shug‘ullanishgan.
Shuningdek, yarim himoyachi Marko Asensio va darvozabon Luka Zidanlar ham individual dastur bo‘yicha mashq o‘taganlar.
Bu ikki futbolchi jarohatini tiklash bilan band, ular jamoa bilan maydonga chiqqanlar, biroq boshqalardan alohida shug‘ullanishgan.
«Qaymoqranglilar»ning Ispaniya chempionati 14-turi doirasida «Atletik»ga qarshi o‘yini bugun tunda 00:45 da boshlanadi.
