«Реал» клуби ярим ҳимоячиси Гарет Бэйл ва ҳимоячи Даниэль Карвахаль катта эҳтимол билан «Атлетик»га қарши кечадиган ўйинни ўтказиб юборадилар.
Бу икки футболчи мадридликларнинг жамоавий машғулотларида иштирок этмаганлар. Бейл ва Карвахаль машғулот залида шуғулланишган.
Шунингдек, ярим ҳимоячи Марко Асенсио ва дарвозабон Лука Зиданлар ҳам индивидуал дастур бўйича машқ ўтаганлар.
Бу икки футболчи жароҳатини тиклаш билан банд, улар жамоа билан майдонга чиққанлар, бироқ бошқалардан алоҳида шуғулланишган.
«Қаймоқранглилар»нинг Испания чемпионати 14-тури доирасида «Атлетик»га қарши ўйини бугун тунда 00:45 да бошланади.