Ertaga O‘zbekiston kubogining final bahsi o‘tkaziladi. Bugun “Bunyodkor” stadionida final o‘yini oldidan har ikki jamoa bosh murabbiylari ishtirokida matbuot anjumani bo‘lib o‘tdi. Matbuot anjumanida “Lokomotiv” bosh murabbiyi Andrey Miklyayev va jamoa sardori Timur Kapadze jurnalistlarning savolariga javob qaytarishdi.

— Ikkinchi yil ketma-ket mamlakat kubogi final o‘yinida ishtirok etyapmiz. Bundan juda-juda xursandmiz. Ertangi o‘yinga katta umid bog‘laganmiz. Biz penaltilar bahsiga tayyorgarlik ko‘rganimiz yo‘q. Sababi o‘yin vaqtidayoq g‘alabani hal qilib qo‘yishni mo‘ljallayapmiz, — deydi Andrey Miklyayev.

— Final o‘yini har ikki jamoa uchun ham juda muhim ahamiyatga ega. Ertaga kim kuchli va tartibli o‘yin ko‘rsatsa, o‘sha klub g‘alabaga erishadi. Ertaga men faoliyatimdagi so‘nggi o‘yinimni o‘tkazaman. Aslida xayrlashuv o‘yinimni terma jamoa tarkibida o‘tkazmoqchi edim. Biroq vaziyat shuni taqazo qildiki, mana bugunga kelib faoliyatimni yakunlayapman. Endlikda murabbiylik sohasida mehnat qilishni rejalashtirib turibman, — deydi Timur Kapadze.