«Milan» sobiq darvozaboni Kristian Abbyati milanlikar boshqaruviga kelgan Jennaro Gattuzo haqidagi fikrlari bilan o‘rtoqlashdi.

«Bu to‘g‘ri qaror, chunki u «Milan»ning DNKsi qanday ekanligini biladi. Albatta, barchasini o‘zgartirish uchun to‘rt yoki beshta mashg‘ulot yetmaydi, ammo u o‘z g‘oyalarini olib kiradi – maksimal tezlikda yugurish, istak va o‘sha DNK.

Futbol bizni oddiy o‘yinlar mavjud emasigiga o‘rgatadi. Qoniqarli natija qayd etilmas ekan, unda o‘zinga bo‘lgan ishonch ham yo‘qoladi va so‘nggi vaqtlarda jamoaga ana o‘sha narsa pand bermoqda.

Biz ko‘plab yuqori saviyali o‘yinchilarni sotib oldik, biroq ular besh oy ichida ham o‘zlarini ko‘rsata olmadilar», — deydi Abbyati.