Muxlislarimiz uchun mavsum yakunlariga doir yana bir qiziqarli ma’lumotni taqdim etamiz. Bugun qaysi jamoadan ko‘p ochko olganimiz haqida so‘z yuritamiz.
Futbolchilarimiz yakuniga yetgan mavsumda ikkita jamoadan oltitadan ochko olishga muvaffaq bo‘lishdi. Aniqrog‘i, “Neftchi” va “Sho‘rtan” jamoalariga qarshi kechgan uchrashuvlarda vakillarimizning qo‘li baland kelgan.
To‘rt jamoadan esa to‘rttadan ochko olganmiz. “Buxoro”, “Obod”, “Dinamo” va “Navbahor”ga qarshi kechgan uchrashuvlarda vakillarimiz o‘z maydonida g‘alaba qozonib, safarda durang natija qayd etishgan.
“Qizilqum”, “Metallurg” va “So‘g‘diyona” jamoalariga qarshi kechgan o‘yinlardan uch ochkodan qo‘lga kiritilgan. Har uchalla raqibni o‘z maydonimizda mag‘lubiyatga uchratganmiz.
To‘rtta jamoadan bir ochkodan olingan. “Lokomotiv”, “Paxtakor”, “Mash’al” va “Olmaliq”qa qarshi kechgan o‘yinlardan bir ochkodan olishga erishilgan. “Loko” va “Paxtakor” bilan Qo‘qonda durang o‘ynaganmiz. Qolgan ikki raqib bilan esa mehmonda kuchlar teng kelgan.
“Nasaf” va “Bunyodkor” klublari bilan kechgan bahslarda mag‘lubiyatga uchraganmiz. Bu ikki raqibdan ushbu mavsumda ochko ololmadik.
Shuni aytish joizki, ochko to‘plash bo‘yicha futbolchilarimiz so‘nggi uch yildagi eng yaxshi ko‘rsatkichga erishishdi.
Ochkolar taqsimoti:
“Nasaf” – 0
“Obod” – 4
“Qizilqum” – 3
“Neftchi” – 6
“Dinamo” – 4
“Mash’al” – 1
“Metallurg” – 3
“Sho‘rtan” – 6
“Paxtakor” – 1
“Navbahor” – 4
“Lokomotiv” – 1
“Buxoro” – 4
“Bunyodkor” – 0
“So‘g‘diyona” – 3
“Olmaliq” – 1
Jami – 41 ochko
