Angliyaning “Manchester Yunayted” klubi yarim himoyachisi Nemanya Matich bugun SSKAga qarshi uchrashuvda maydonga tusha olmaydi. Bu haqda “qizil iblislar” ustozi Joze Mourinyo aytib o‘tdi.
Eslatib o‘tamiz, Matich “Uotford”ga qarshi safar uchrashuvida (4:2) jarohat olib safdan chiqqandi.
“Matich jarohat olgan va u bugun bizga yordam bera olmaydi. Yana bir qancha futbolchilarga dam berishim kerak. Shou o‘yin qaydnomasiga kiritilgan, lekin Lyuk asosiy tarkibda maydonga tushishi haqida hech nima deya olmayman”, — deydi Mourinyo.
Eslatib o‘tamiz, “Manchester Yunayted” hamda SSKA jamoalari o‘rtasidagi uchrashuv bugun Toshkent vaqti bilan 00:45 da boshlanadi.
