Shu yilning 12-17 dekabr kunlari O‘zbekiston futbol federasiyasining sun’iy qoplamali maydonida 2001 yilda tug‘ilgan o‘smirlar o‘rtasida O‘zbekiston Futbol Federasiyasi Kubogi musobaqasi bo‘lib o‘tadi.
Musobaqada jami 8ta jamoa ikki guruhga bo‘lingan holda qatnashadi.
“A“ guruhi: “Lokomotiv”, “Paxtakor”, “Bunyodkor”, “Spartak”
“V” guruhi: “Nasaf”, “Mash’al”, “Andijon” internati, “Neftchi”
Musobaqaga qur’a tashlash marosimi shu yilning 11 dekabr kuni O‘zbekiston Futbol Federasiyasining majlislar zalida bo‘lib o‘tadi. Shu kuni musobaqada ishtirok etuvchi jamoalar mandat komissiyasidan ham o‘tishadi.
O‘FF Kubogi musobaqasini o‘tkazishdan asosiy maqsad yangi tashkil etiladigan O‘zbekiston U-19 terma jamoasi uchun nomzodlarni saralab olishdan iborat bo‘lib, bir qator seleksionerlar turnirni kuzatib borishi rejalashtirilgan.
