«Yuventus» klubi bosh murabbiyi Massimiliano Allegri YECHL doirasidagi «Olimpiakos» ustidan erishilgan g‘alaba (2:0) haqida gapirib o‘tdi. Shu bilan birga turinliklar hujumchisi Paulo Dibala borasida ham fikr bildirdi.

«Evrokuboklarda g‘alaba qozonish juda ham qiyin, shuning uchun ham barcha masalani oldindan hal etish lozim. Paulo Dibala hozir o‘zini yaxshi ko‘rsata olmayapti, lekin bu uni ishlashda to‘xtashi kerak degani emas.

Barchamiz uning tez orada o‘z saviyasiga qaytishiga ishonamiz. U faqatgina ishlashda davom etishi lozim.

Ikkinchi bo‘limda biz to‘pni nazorat qilishimiz kerak edi. Buning uchun jamoa to‘psiz harakat qilishni bilishi lozim. To‘pni boy bergan zahoti raqib hujum qilishi uchun imkoniyat paydo bo‘ladi», - deydi Allegri.