Fransiyalik mashhur Marsel Desayi 1 dekabr kuni Moskvada bo‘lib o‘tgan JCH-2018ga qur’a tashlash marosimida mundial muxlislari festivali elchisi sifatida ishtirok etdi.

Yakunda rossiyalik hamkasblarimiz 1998 yili Fransiya terma jamoasi bilan shohsupaga ko‘tarilgan jahon chempionini maxsus suhbatga chorlab, uning bo‘lajak turnir favoritlari, mezbon jamoa imkoniyatlari xususidagi fikrlari bilan qiziqishdi.

Chempion o‘z navbatida, navbatdagi mundialdan «syurpriz»lar kutayotganini yashirmadi.

- Sizningcha, Rossiya mundiali yakunida jahon kubogi qaysi jamoaga nasib etadi?

- Shohsupaga chiqish uchun da’vogar jamoalar hozirdanoq ma’lum: Braziliya, Germaniya, shuningdek, Fransiya termalari.

To‘g‘ri, bizning jamoa buning uchun hozirgi tarkibini to‘laligicha saqlab qolishi kerak. Argentinaliklarda ham imkoniyat chakki emas. Nazarimda, aynan shu 4ta jamoada g‘olib chiqish imkoniyati ko‘proq - ularda mahorat ham, tajriba ham yetarli.

- Xo‘sh, JCH-2018da qaysi ishtirokchi «sirli tulpor» rolida namoyon bo‘lishi mumkin?

- Bu borada xorvatlar o‘zlarini ko‘rsatishlarini xohlardim. Shuningdek, Eron termasidan ham ko‘p narsa kutsak bo‘ladi.

Biroq bu jamoaning tarkibi nechog‘li kuchli, futbolchilarida «pley-off»da to‘p surish tajribasi yetarlimi - bunisi menga qorong‘u. Bunday savollarga mundial payti javob olamiz.

- Debyutantlardan biri Islandiya termasi haqida nima deya olasiz?

- Ishonchli tarzda yo‘llanmani qo‘lga kiritgan jamoa nega endi shov-shuv ko‘tarmasligi kerak? Agar mitti davlat jamoasi turnirda jiddiy natijalarga erishsa, uni faqat olqishlayman! Zero, zamonaviy futbolga «syurpriz»lar ham zarur.

- Mundialning eng yorqin yulduzi sifatida kimni tasavvur qilyapsiz? DAVOMI