Kataloniyaning “Barselona” klubi yarim himoyachisi Andres Inyesta jarohati sabab Ispaniya La-Ligasi 15-turidan o‘rin olgan “Vilyarreal”ga qarshi safar o‘yinida jamoasiga yordam bera olmaydi.
33 yoshli yarim himoyachi o‘tgan turda “Selta”ga qarshi uchrashuv (2:2) da jarohat ortirib olgandi.
Shuningdek, “Barselona”ga mazkur o‘yinda Usmon Dembele, Xavyer Maskerano, Rafinya, Samyuel Umtiti, Arda Turan va Jerar Deulofeu kabi futbolchilar ham yordam bera olishmaydi.
Ma’lumot uchun, “Vilyarreal” – “Barselona” bahsi bugun, Toshkent vaqti bilan 00:45 da boshlanadi.