“Manchester Yunayted” ustozi Joze Mourinyo “Manchester Siti”ga qarshi o‘yindan keyin “shaharliklar” posboni Edersonning boshiga suv to‘la plastik idish bilan urdi.
“The Telegraph” nashrining xabar berishicha, o‘yindan keyin “Manchester Siti” futbolchilari g‘alabani katta xursandchilik bilan nishonlashgan. Mourinyo esa mehmonlarning kiyim almashtirish xonasiga borib, ularni tinchlantirmoqchi bo‘lgan, biroq natija bo‘lmagach, asabini jilovlay olmay Edersonning boshiga suv to‘la plastik idish bilan urgan. Oqibatda katta janjal ko‘tarilgan.
