Xitoy Taypeyi mamlakatida bugun, 12 dekabr kuni futzal bo‘yicha Osiyo chempionati–2018 turniri guruh bosqichiga qur’a tashlash marosimi bo‘lib o‘tdi.
Saralash bosqichidan muvaffaqiyatli o‘tgan 15 jamoa va mezbon Xitoy Taypeyi guruh bosqichidagi raqiblarini bilib oldi.
Bahodir Ahmedov bosh murabbiyligidagi O‘zbekiston terma jamoasi “B” guruhidan joy oldi va unda Yaponiya, Tojikiston hamda Janubiy Koreya terma jamoalari bilan kurash olib boradigan bo‘ldi.
Quyida qur’a natijasi bilan tanishish mumkin:
“A” guruhi: Xitoy Taypeyi, Vyetnam, Malayziya, Bahrayn.
“B” guruhi: O‘zbekiston, Yaponiya, Tojikiston, Janubiy Koreya.
“C” guruhi: Eron, Iroq, Xitoy, Myanma.
“D” guruhi: Tailand, Qirg‘iziston, Livan, Iordaniya.
Ma’lumot uchun, futzal bo‘yicha Osiyo chempionati–2018 musobaqasi 1–11 fevral kunlari bo‘lib o‘tadi.
