2001 yilda tavallud topgan tarbiyalanuvchilarimiz O‘FF Kubogi 1-turida "Spartak"ni yirik hisobda dog‘da qoldirishdi.

12-17 dekabr kunlari O‘zbekiston futbol federasiyasining sun’iy qoplamali maydonida 2001 yilda tug‘ilgan o‘smirlar o‘rtasida O‘zbekiston Futbol Federasiyasi Kubogi musobaqasi bo‘lib o‘tmoqda.

Musobaqada jami 8ta jamoa ikki guruhga bo‘lingan holda ishtirok etmoqda. "A" guruhidan o‘rin olgan jamoamiz 1-turda "Spartak" bilan maydonga tushib, 7:0 hisobida zafar quchishdi. Sergey Tokov boshchilik qilayotgan "Paxtakor" guruhda qolgan uchrashuvlarda "Farg‘ona" va "Bunyodkor" bilan bellashadi.

O‘FF Kubogi musobaqasini o‘tkazishdan asosiy maqsad yangi tashkil etiladigan O‘zbekiston U-19 terma jamoasi uchun nomzodlarni saralab olishdan iborat bo‘lib, bir qator seleksionerlar turnirni kuzatib borishmoqda.