10 dekabr kungi Manchester derbisidan keyin “shaharliklar” futbolchilari kiyinish xonasi yonida yoqimsiz holat yuzaga keldi.

Ma’lum bo‘lganidek, “MYU” ustozi Joze Mourinyo “Manchester Siti” futbolchilari kiyinish xonasida qattiq kuylab yuborgani uchun Edersonning boshiga yelim idish bilan zarba bergan.

Hujumchi Romelu Lukaku ham mana shunday ishni qildi. O‘yindan keyin u suv to‘la yelim idishni otgan, u “Manchester Siti” murabbiyi Mikel Artetaning yuziga teggan. Natijada jabrlanuvchining yuzi qonagan. Biroq Lukaku bu ishni atayin qilganmi yoki yo‘q, bunga izox berilmagan.

Shuningdek, 20 kishi o‘zaro janjallashgan. Ularni xavfsizlik xizmati vakillari to‘xtatib qolgan.

“Odamlar o‘z ko‘zlariga ishonishmadi. Bu bir necha daqiqa davom etdi. Sal qolganida barchasi nazoratdan chiqib ketardi”, - deydi ushbu voqeani kuzatgan guvox.