Germaniya terma jamoasi a’zolarining 2018 yilgi mundialda yutuqlarga erishsa, qancha mukofot puli olishi ma’lum bo‘ldi.

Germaniya futbol ittifoqi rasmiy saytining ma’lum qilishicha, mukofot pullari chorak final bosqichidan boshlanadi. Ya’ni chorak finalgacha bo‘lgan o‘yinlar uchun nemislarga hech qanday mukofot berilmaydi.

Agar Germaniya jahon chempionatining chorak finaliga chiqsa, har bir futbolchi 75 ming yevrodan, yarim finalga chiqsa, 125 ming yevrodan, uchinchi o‘rinni qo‘lga kiritsa, 150 ming yevrodan mukofot puli oladi. Shuningdek, finalga chiqqanlik uchun 200 ming, chempionlik uchun esa 350 ming yevrodan mukofot beriladi.