Германия терма жамоаси аъзоларининг 2018 йилги мундиалда ютуқларга эришса, қанча мукофот пули олиши маълум бўлди.
Германия футбол иттифоқи расмий сайтининг маълум қилишича, мукофот пуллари чорак финал босқичидан бошланади. Яъни чорак финалгача бўлган ўйинлар учун немисларга ҳеч қандай мукофот берилмайди.
Агар Германия жаҳон чемпионатининг чорак финалига чиқса, ҳар бир футболчи 75 минг евродан, ярим финалга чиқса, 125 минг евродан, учинчи ўринни қўлга киритса, 150 минг евродан мукофот пули олади. Шунингдек, финалга чиққанлик учун 200 минг, чемпионлик учун эса 350 минг евродан мукофот берилади.
