Qarshi shahrida Oliy Liga klublari qoshidagi futbol maktablarining 1999–2000 yillarda tavallud topgan tarbiyalanuvchilari o‘rtasida O‘zbekiston Birinchiligi final bosqichi o‘z yakuniga yetdi.
5-o‘rin uchun kelgan o‘yinda “Buxoro” tarbiyalanuvchilari “Mash’al” vakillarini 1:0 hisobida mag‘lubiyatga uchratdi. Yarim final uchrashuvlarida “Nasaf” va “Neftchi” mos ravishda raqiblari “Paxtakor” va “Lokomotiv”ni mag‘lubiyatga uchratib, finalga yo‘llanma oldi.
Uchinchi o‘rin uchun bahsda “Lokomotiv” va “Paxtakor” asosiy vaqtda 2:2 hisobida durang o‘ynadi. Penaltilar seriyasida esa “Paxtakor” vakillari 5:4 hisobida ustun kelishdi.
Final bellashuvida esa “Nasaf” va “Neftchi” tarbiyalanuvchilari o‘zaro kurash olib bordi va yakunda qarshiliklar 2:0 hisobida zafar quchib, bosh sovringa ega chiqdi.
Eslatib o‘tamiz, “Nasaf” klubining 2003–2004 yillarda tug‘ilgan tarbiyalanuvchilari noyabr oyida o‘tkazilgan O‘zbekiston Birinchiligida g‘olib bo‘lgan edi.
11 dekabr, dushanba
5-o‘rin uchun bahs
“Buxoro” (Buxoro )– “Mash’al” (Muborak) 1:0
Yarim final
“Nasaf” (Qarshi) – “Paxtakor” (Toshkent) 0:0 (penaltilar bo‘yicha 5:3)
“Lokomotiv” (Toshkent) – “Neftchi” (Farg‘ona) 1:3
13 dekabr, chorshanba
3-o‘rin uchun bahs
“Paxtakor” (Toshkent) – “Lokomotiv” (Toshkent) 2:2 (penaltilar bo‘yicha 5:4)
Final
“Nasaf” (Qarshi) – “Neftchi” (Farg‘ona) 2:0
