Қарши шаҳрида Олий Лига клублари қошидаги футбол мактабларининг 1999–2000 йилларда таваллуд топган тарбияланувчилари ўртасида Ўзбекистон Биринчилиги финал босқичи ўз якунига етди.

5-ўрин учун келган ўйинда “Бухоро” тарбияланувчилари “Машъал” вакилларини 1:0 ҳисобида мағлубиятга учратди. Ярим финал учрашувларида “Насаф” ва “Нефтчи” мос равишда рақиблари “Пахтакор” ва “Локомотив”ни мағлубиятга учратиб, финалга йўлланма олди.

Учинчи ўрин учун баҳсда “Локомотив” ва “Пахтакор” асосий вақтда 2:2 ҳисобида дуранг ўйнади. Пенальтилар сериясида эса “Пахтакор” вакиллари 5:4 ҳисобида устун келишди.

Финал беллашувида эса “Насаф” ва “Нефтчи” тарбияланувчилари ўзаро кураш олиб борди ва якунда қаршиликлар 2:0 ҳисобида зафар қучиб, бош совринга эга чиқди.

Эслатиб ўтамиз, “Насаф” клубининг 2003–2004 йилларда туғилган тарбияланувчилари ноябрь ойида ўтказилган Ўзбекистон Биринчилигида ғолиб бўлган эди.

11 декабрь, душанба
5-ўрин учун баҳс

“Бухоро” (Бухоро )– “Машъал” (Муборак) 1:0

Ярим финал

“Насаф” (Қарши) – “Пахтакор” (Тошкент) 0:0 (пенальтилар бўйича 5:3)

“Локомотив” (Тошкент) – “Нефтчи” (Фарғона) 1:3

13 декабрь, чоршанба

3-ўрин учун баҳс

“Пахтакор” (Тошкент) – “Локомотив” (Тошкент) 2:2 (пенальтилар бўйича 5:4)

Финал

“Насаф” (Қарши) – “Нефтчи” (Фарғона) 2:0