Argentinalik himoyachi yanvardayoq boshqa klubga ko‘chib o‘tishni istashi kataloniyaliklar himoyachilarga muhtoj bir paytda yuz berayotgani vaziyatni yanada og‘irlashtirmoqda.
Har doimgidek, “Barselona” himoya chizig‘ida muammolarga duch kelmoqda. Samyuel Umtiti “Selta”ga qarshi 2-2 hisobida kechgan bahsda oyoq muskullarini jarohatlab oldi va endi ikki oyni maydondan tashqarida o‘tkazadi.
Argentinalik futbolchi “Barsa” o‘yinchilari orasida va kiyinish xonasida ancha mashhur hisoblanadi. Shunga qaramay, 32 yoshli himoyachining maydondagi o‘rni so‘nggi paytlarda o‘zgarib ketdi va o‘zi ham “Kamp Nou”dagi davri poyoniga yetayotganini e’tirof etdi.
“Barsa”dagi davrim tugagani yo‘q, biroq u poyoniga yetmoqda” – degan edi Maskerano o‘tgan haftada ESPN ga bergan intervyusida. “Men bu borada qarorliman. Ishonamanki, barcha davrlarning o‘z intixosi bor va mening “Barsa”dagi davrim ham o‘z poyoniga yetmoqda. Men bu qachon yuz berishini bilaman, ammo aytmayman” – degan edi futbolchi.
Shunga qaramay uning ketishi barcha uchun ma’lum. Argentinalik futbolchi qishki transfer vaqtida bu mavsumda klub safida 8 o‘yin o‘tkazganidan keyin, zaxirada qolmoqchi emas va boshqa klubga ko‘chib o‘tmoqchi.
“Liverpul”ning sobiq a’zosi jamoadoshlariga yanvarda ketishini ma’lum qilgan. U tushunib yetdiki, Jerar Pike va Umtitining himoya juftligi tufayli unga asosiy tarkibdan muqim joy ajratilmagan.
Maskerano klub sardorlaridan biri va uning mavsum yakuniga yetishini kutishi yaxshiroq bo‘lardi. Ayniqsa, u Argentina tarkibida olgan jarohatidan sog‘ayib, endigina bir necha haftani o‘tkazdi.
“Barselona” uning talabiga rozilik bildirishi mumkin, chunki futbolchining vaziyatini tushunib turibdi. U 2011-yilda Lionel Messining tavsiyanomasi bilan ...
