Jahonning eng ommabop ijtimoiy tarmoqlaridan biri hisoblanadigan «Instagram» 2017 yilda eng ko‘p «layk» to‘plagan foto va videolarni e’lon qilarkan, ularning aksariyati turli sohalardagi yulduzlarga tegishli ekanini bildirdi.
Tabiiyki, peshqadamlar orasida futbolchilar ham bor.
Eng yaxshi futbolchilar
Ro‘yxatga nazar tashlasak, yetakchilik aktrisa va xonanda Selena Gomesga nasib qilganini ko‘ramiz. Krishtianu Ronaldu ikkinchi pog‘ona uchun shou-biznesning boshqa bir vakilasi Ariana Grande bilan raqobat olib bormoqda.
Hozircha portugaliyalik futbolchining surat va roliklari nisbatan ko‘proq muxlislarga ma’qul kelgan. «Real» hujumchisi uchun bu yil nafaqat futbol borasida, balki media masalasi bo‘yicha ham omadli keldi.
U Jorjina Rodriges bilan to‘y marosimiga tayyorgarlik ko‘rayotgan pallada o‘zaro iliq munosabatlar tufayli qallig‘i ayni paytga kelib «Instagram»da 2,4 mln. nafar o‘quvchiga ega bo‘lib ulgurdi.
Bu esa mazkur ijtimoiy tarmoqdagi yirik o‘sish holatlaridan biridir.
Lionel Messi esa har jabhada Krishtianudan ortda qolmoqda - Chempionlar Ligasi, primera, «Oltin to‘p». Qolaversa, argentinalik futbolchining shaxsiy hayoti ham hozircha sokin o‘tmoqda.
Buning natijasida Leo fotoreytingda nafaqat azaliy raqobatchisi, balki Neymarni ham oldinroqqa o‘tkazib yuborib, «Instagram»dagi mashhur yulduzlar o‘nligiga ham kirolmadi.
Messi hozircha 84 mln. o‘quvchi bilan 13, Neymar (85 mln.) esa 11-o‘rinni egallab turishibdi. Ko‘rinib turibdiki, shov-shuvli, rekord summaga ega va uzoq muddat talab etgan «PSJ»ga o‘tish «missiya»si braziliyalikning internet olamidagi obro‘siga ijobiy ta’sir ko‘rsatgan.
Eng mashhur foto va videolar
