“Manchester Siti” klubi bosh murabbiyi Pep Gvardiola Premyer-ligadoirasida “Suonsi” (4:0) ustidan qozonilgan g‘alabadan keyingi fikrlari bilan o‘rtoqlashdi.

“Bizda juda tig‘iz grafik bo‘ldi, avvalroq “MYU” bilan safarda og‘ir bahsdan keyin yaxshi o‘yin ko‘rsatdik.

Jamoa yaxshi o‘ynaganidan keyin murabbiy ham barchasidan mamnun bo‘ladi. Futbolchilar nima qilish kerakligini bilishadi.

David Silvadan mamnunman. Uning yaxshi futbolchi ekanligini barcha biladi. Hozirda u a’lo darajadagi jismoniy holatda.

O‘ziga ishonch bizga halaqit bermaydi. Futbolchilardan juda ko‘p narsani talab qilyapmiz. Jamoa mag‘lub bo‘lishi yoki ochko yo‘qotishi mumkin. Endi bundan qo‘rqmaymiz”, – deydi Gvardiola.