“Манчестер Сити” клуби бош мураббийи Пеп Гвардиола Премьер-лигадоирасида “Суонси” (4:0) устидан қозонилган ғалабадан кейинги фикрлари билан ўртоқлашди.

“Бизда жуда тиғиз график бўлди, аввалроқ “МЮ” билан сафарда оғир баҳсдан кейин яхши ўйин кўрсатдик.

Жамоа яхши ўйнаганидан кейин мураббий ҳам барчасидан мамнун бўлади. Футболчилар нима қилиш кераклигини билишади.

Давид Сильвадан мамнунман. Унинг яхши футболчи эканлигини барча билади. Ҳозирда у аъло даражадаги жисмоний ҳолатда.

Ўзига ишонч бизга ҳалақит бермайди. Футболчилардан жуда кўп нарсани талаб қиляпмиз. Жамоа мағлуб бўлиши ёки очко йўқотиши мумкин. Энди бундан қўрқмаймиз”, – дейди Гвардиола.