Kataloniyaning “Barselona” klubi Madridning “Atletiko” klubi hujumchisi Antuan Grizmanni sotib olish uchun qatiq bel bog‘lagan ko‘rinadi.

Xabarlarga ko‘ra, “anorranglilar” prezidenti Jozep Bartomeu shaxsan Antuanning oilasi bilan uchrashgan.

Uchrashuv Barselona shahridagi restoranlarning birida bo‘lib o‘tgan. Uchrashuvda Grizmanning ota – onasi va opasi qatnashishdi.

Avvalroq, Grizmann “Barselona” klubi bilan kelishuvga erishgani haqida ma’lum qilingandi. Bu transfer yozda amalga oshishi kutilmoqda. Futbolchining transfer narxi esa taxminan 100 millionni tashkil qiladi.