BAAning “Al-Jazira” klubi futbolchisi Muborak Bussufa jamoasining klublar o‘rtasidagi jahon chempionatidagi ishtiroki haqida gapirdi.
“Al-Jazira” turnirni o‘zi uchun yoqimsiz bo‘lgan pog‘onada yakunladi. Biz Yangi Zelandiyaning “Oklend” klubi to‘sig‘idan o‘tdik. Kutilmaganda “Urava”ni mag‘lub etdik. “Real”ga qattiq qarshilik ko‘rsatdik, biroq kuchimiz yetmadi.
“Pachuka” bilan uchrashuvdan keyin bosh murabbiy o‘zimiz bilan faxrlanishimiz kerakligini aytdi va natija bilan tabrikladi”, - deydi Bussufa.
