Misrning «Al-Ahli» klubi muvaffaqiyatsizliklarga barham berish maqsadida, stadionda ho‘kiz so‘yib, qurbonlik qildi.
Qohira shahri klubi o‘z maydonida, 2016 yil iyun oyidan buyon ilk marta mag‘lubiyatga uchragan, so‘ngra durang o‘ynagan edi.
Shundan so‘ng, jamoa o‘z stadionida qurbonlik qilishga qaror qildi. Ho‘kizning go‘shti esa kambag‘allarga tarqatildi.
Misr chempionatining 11 turidan so‘ng, «Al-Ahli» musobaqa peshqadami «Ismoiliya» klubidan 4 ochko ortda qolib, 3-o‘rinda boryapti.














