Kataloniyaning “Barselona” jamoasi afsonasi, ayni damda Qatarning “Al Sadd” klubi tarkibida to‘p suradigan Xavi Xosep Gvardiolaning “Manchester Siti”si haqida gapirdi.
"Siti" butun Yevropa miqyosida eng yaxshi sport formasida bo‘lib turgan jamoa. Pep o‘zi xohlaydigan o‘yin uslubini jamoaga singdira oldi. Futbolchilar o‘z ishlarini a’lo darajada tushunmoqda va har bir o‘yinda o‘rtacha 70-90 martadan to‘pga tegmoqda. Haqiqatdan ham ular juda kuchli o‘yin ko‘rsatmoqda. Shuning uchun ham butun dunyo «Manchester Siti»deb yonmoqda”, - deydi Xavi.
