Kataloniyaning «Barselona» klubi «Real»ga qarshi bahs oldidan bugun so‘nggi mashg‘ulotlarini o‘tkazdi. Himoyachi Xordi Alba va xavbek Jerar Deulofeu jamoaning umumiy guruhida shug‘ullanishdi.
Ikki futbolchida ham jismoniy tomondan muammolar bo‘layotgandi, ammo ular tiklanib olishgan va o‘yinda ishtirok etishga tayyorlar.
Sport.es nashri xabariga ko‘ra, kataloniyaliklarning bu uchrashuvdagi boshlang‘ich tarkibi quyidagicha bo‘ladi: ter Stegen, Serxi Roberto, Pike, Vermalen, Alba, Rakitich, Buskets, Paulinyo, Inyesta, Messi, Luis Suares.
Ma’lumot uchun, La-liga 17-turi doirasidagi «Barselona» - «Real» uchrashuvi 23-dekabr kuni Toshkent vaqti bilan 17:00da start oladi.
