Каталониянинг «Барселона» клуби «Реал»га қарши баҳс олдидан бугун сўнгги машғулотларини ўтказди. Ҳимоячи Хорди Альба ва хавбек Жерар Деулофеу жамоанинг умумий гуруҳида шуғулланишди.
Икки футболчида ҳам жисмоний томондан муаммолар бўлаётганди, аммо улар тикланиб олишган ва ўйинда иштирок этишга тайёрлар.
Sport.es нашри хабарига кўра, каталонияликларнинг бу учрашувдаги бошланғич таркиби қуйидагича бўлади: тер Стеген, Серхи Роберто, Пике, Вермален, Альба, Ракитич, Бускетс, Паулиньо, Иньеста, Месси, Луис Суарес.
Маълумот учун, Ла-лига 17-тури доирасидаги «Барселона» - «Реал» учрашуви 23-декабрь куни Тошкент вақти билан 17:00да старт олади.
