«Barselona» yarim himoyachisi Ivan Rakatich «Liverpul» futbolchisi Filippe Kotinyoning Kataloniya klubi safiga ko‘chib o‘tishi mumkinligi haqidagi gap-so‘zlarga o‘z munosabatini bildirdi.
«Yaxshi futbolchi tarkibimizga qo‘shilsa, buni xursandchilik bilan qabul qilamiz. Bunday futbolchilar uchun jamoamiz eshiklari har doim ochiq.
Koutinyo anashuday yuqori darajadagi futbolchilar sirasiga kiradi.
«Liverpul» va uning muxlislariga hurmatni saqlagan holda aytishim mumkinki, agar Filippe «Barselona»ga ko‘chib o‘tsa, bundan juda xursand bo‘lamiz.
Ammo agar u o‘z jamoasida qolishni istasa, unga faqatgina yaxshi tilaklarimizni bildiramiz. Ha bizga bunday futbolchi kerak, biroq hozirgi tarkibimiz ham juda yaxshi holatda.
Agar klubimiz Koutinyo yoki boshqa bir kuchli futbolchi bilan shartnoma imzolasa bu ideal holat bo‘ladi», – deydi Rakitich.
