«Барселона» ярим ҳимоячиси Иван Ракатич «Ливерпуль» футболчиси Филиппе Котиньонинг Каталония клуби сафига кўчиб ўтиши мумкинлиги ҳақидаги гап-сўзларга ўз муносабатини билдирди.
«Яхши футболчи таркибимизга қўшилса, буни хурсандчилик билан қабул қиламиз. Бундай футболчилар учун жамоамиз эшиклари ҳар доим очиқ.
Коутиньо анашудай юқори даражадаги футболчилар сирасига киради.
«Ливерпуль» ва унинг мухлисларига ҳурматни сақлаган ҳолда айтишим мумкинки, агар Филиппе «Барселона»га кўчиб ўтса, бундан жуда хурсанд бўламиз.
Аммо агар у ўз жамоасида қолишни истаса, унга фақатгина яхши тилакларимизни билдирамиз. Ҳа бизга бундай футболчи керак, бироқ ҳозирги таркибимиз ҳам жуда яхши ҳолатда.
Агар клубимиз Коутиньо ёки бошқа бир кучли футболчи билан шартнома имзоласа бу идеал ҳолат бўлади», – дейди Ракитич.