“Manchester Yunayted” jamoasi futbolchisi Pol Pogba APLning 15-turi doirasida “Arsenal” (3:1) ustidan qozonilgan g‘alabadan keyingi mashg‘ulot kunida uxlab qolgan.

Manbaning xabariga ko‘ra, o‘sha kuni Pogba barcha telefon qo‘ng‘iroqlariga javob bermagan. Angliya jamoasi bundan xavotirlanib, futbolchining uyiga odam yuborgan. Ishchi esa “MYU” a’zosini borib uyg‘otgan va mashg‘ulotga chaqirgan.

“Arsenal” bilan uchrashuvda Pogba ikki golga assistentlik qilgan. Biroq o‘sha kuni qizil kartochka olib maydonni tark etgan.