8-9. Serxio Ramos (“Real”) – 35 o‘yin
Ramos ‘Real” tarkibida 543 ta uchrashuvda maydonga tushgan bo‘lsa, shularning 35 tasi “El-klasiko”larga to‘g‘ri keladi. U Kataloniyaliklar bilan bo‘lgan bahslarning 3 tasida maydondan chetlatilgan. O‘tgan mavsumdagi ilk o‘yinda esa u so‘ngi daqiqada gol kiritib jamoasini mag‘lubiyatdan qutqarib qolgan.
8-9. Lionel Messi (“Barselona”) – 35 o‘yin
Messi “Barsa” uchun o‘tkazgan 607 uchrashuvning 35 tasi “Real” bilan bahslarda ro‘y bergan. Leo “qirollik klubi” darvozasini ana shu o‘yinlarda 24 marta aniq nishonga olib, bu borada yaqqol peshqadamlik qilmoqda.
7. Andres Inyesta (‘Barselona”) – 36 o‘yin
Inyesta “El-klasiko”larda 36 marta maydonga tushgan. Umumiy hisobda u “ko‘k anorranglilar” libosida 648 ta uchrashuv o‘tkazgan. Andresning 2015 yili Kasilyas darvozasiga urgan super golini ko‘pchilik unutmagan bo‘lsa kerak.
4-6. Iker Kasilyas (“Real”) – 37 o‘yin
“Real” libosida 725 o‘yinda darvozani qo‘riqlagan Kasilyas 37 ta “klasiko”da ishtirok etgan. Iker ko‘plab uchrashuvlarda jamoasining eng yaxshi futbolchisi bo‘lgan. Lionel Messi faoliyatidagi ilk “xet-trik”ini aynan Kasilyas darvozasiga kiritganini ham eslatib o‘tish joiz.
4-6. Raul (“Real”) – 37 o‘yin
“Real” tarkibida 741 ta uchrashuv o‘tkazib, rekordchi bo‘lib turgan Raulning “klasiko”dagi o‘yinlari soni 37 tani tashkil etadi. Ispaniyalik hujumchi ana shu o‘yinlarda 15 ta golga mualliflik qilib, bu borada ham kuchli to‘rtlikdan joy olgan.
4-6. Fernando Yerro (“Real”) – 37 o‘yin
510 - bu Yerroning “galaktikos” uchun o‘tkazgan o‘yinlar soni. U bu borada Kasilyas va Rauldan orqada bo‘lsa ham “Barsa” bilan o‘yinlarda maydonga tushish bobida ana shu ikki futbolchi bilan bir hil ko‘rsatkichga ega.
