“Manchester Yunayted” va “Barselona” jamoasining sobiq bosh murabbiyi Lui van Gal himoyachi Deyli Blindning kelajagi haqida gapirdi.

“Blind “MYU”da qolganidan ko‘ra, “Barselona”ga ketishi kerak. Ba’zida u zaxiradan ham o‘rin olmayapti. Deyli tribunalarda o‘yin ko‘rishga emas, balkim maydonda bir necha pozisiyalarda vazifalarni bajarishi kerak.

Blindning o‘yin uslubi “Barselona”ga mos tushadi. Uning darajasi Ispaniya futboliga to‘g‘ri keladi. Hattoki u markaziy himoyada ham o‘ynay oladi”, - deydi van Gal.

Eslatib o‘tamiz, oldinroq “Barselona”ning Deyli Blind xizmatlariga qiziqish bildirayotgani haqida ma’lumotlar tarqalgandi.