“Манчестер Юнайтед” ва “Барселона” жамоасининг собиқ бош мураббийи Луи ван Гал ҳимоячи Дэйли Блинднинг келажаги ҳақида гапирди.

“Блинд “МЮ”да қолганидан кўра, “Барселона”га кетиши керак. Баъзида у захирадан ҳам ўрин олмаяпти. Дейли трибуналарда ўйин кўришга эмас, балким майдонда бир неча позицияларда вазифаларни бажариши керак.

Блинднинг ўйин услуби “Барселона”га мос тушади. Унинг даражаси Испания футболига тўғри келади. Ҳаттоки у марказий ҳимояда ҳам ўйнай олади”, - дейди ван Гал.

Эслатиб ўтамиз, олдинроқ “Барселона”нинг Дэйли Блинд хизматларига қизиқиш билдираётгани ҳақида маълумотлар тарқалганди.