Kecha 25 dekabr kuni Farg‘ona shahridagi “Istiqlol” sport majmuasida bolalar va o‘smirlar futbol murabbiylari uchun bilimlarni yangilash besh kunlik o‘quv kursi boshlandi.
O‘quv kursida Farg‘ona viloyatidagi futbol maktablarida faoliyat yurituvchi jami 29 nafar bolalar va o‘smirlar murabbiylari ishtirok etishadi. Mazkur o‘quv kurslari bolalar va o‘smirlar murabbiylari uchun bepul o‘tkazilayotganini ham ta’kidlab o‘tish kerak.
OFK instruktori Zoyir Hasanov tomonidan murabbiylar uchun nazariy va amaliy mashg‘ulotlar o‘tkaziladi.
O‘quv kurslari 29 dekabr kuni yakuniga yetadi. Murabbiylar olingan bilimlar bo‘yicha amaliy va nazariy imtihonlar topshirishadi.
Bunday o‘quv kurslarini tashkil qilishdan asosi maqsad bolalar va o‘smirlar futboli bo‘yicha ish olib borayotgan murabbiylarning malakasini oshirish, ularning zamonaviy bilim va ko‘nikmalarga ega bo‘lishlarini ta’minlashdan iborat.
