O‘zingizga ma’lum, bundan keyin superliga klublarida ishtirok etadigan futbolchilarning jismoniy holati O‘zbekiston Futbol Federasiyasi tomonidan tasdiqlangan test-sinovlari orqali nazorat qilib boriladi.
Futbolchilar topshiradigan test-sinovlari O‘zbekiston Futbol Federasiyasining Texnik rivojlantirish boshqarmasi ilmiy-metodik guruhi mutaxassislari tomonidan ishlab chiqilgan.
Bugun ilmiy guruh vakillari A.V. Kit hamda SH. Ashirovlar Qarshida bo‘lib, jamoamiz futbolchilarini sinovdan o‘tkazishdi.
Jamoamiz futbolchilari quyidagi test-sinovlarini topshirishdi:
1. 30 metrga yugurish
2. Turgan joyidan uzunlikka sakrash
3. 7x50 metrga yugurish
4. “Yo-Yo” test
Ushbu testlarda jamoamizning 22 nafar futbolchisi ishtirok etdi.
Test sinovlarida yangi mavsumdan jamoamiz tarkibida to‘p tepadigan bir qator yosh futbolchilar ham ishtirok etishdi.
Mutaxasislar yaqin vaqtlar ichida test natijalarini jamoamiz murabbiylar shtabiga taqdim qilishadi.
