2018 yilgi mavsumga tayyorgarlik ko‘rayotgan "Navbahor" bugun "Andijon" jamoasiga qarshi mavsumlar oralig‘idagi dastlabki nazorat o‘yinida maydonga tushdi. "Navbahor-Umid" futbol maktabining sun’iy qoplamali maydonida o‘tgan bahsda futbolchilarimiz asosan ustunlikka erishishdi. Uchrashuv boshida A’zam Aliyev o‘ng qanotdan boshlangan hujumni samarali yakunladi. Tanaffusga qadar imkoniyatlar bo‘lsada birinchi bo‘limda 1:0 hisobi saqlanib qoldi. Ikkinchi bo‘limda murabbiylarimiz maydonga yoshlarni tushirishdi. Shunday bo‘lsada, "Navbahor" g‘alabani mustahkamlashni uddasidan chiqdi. Avvaliga Ravshan Hursanov ikkinchi golga mualliflik qildi. Andijonliklar shundan so‘ng javob to‘pini kiritib, keskinlikni qaytargandek bo‘lishdi. Lekin bahs oxirlarida Akmal Turg‘unboyev uchinchi golni urdi. Yakunda 3:1 hisobi qayd etildi.

Andijonliklar bilan o‘tgan uchrashuvda jarohat tufayli, Asilbek Amanov, Mirzohid G‘ofurov va Ro‘zimboy Ahmedovlar maydonga tusha olishmadi.

Jamoamiz uchrashuvni quyidagi tarkibda o‘tkazdi: Mirzohid Mamatxanov, Yunusbek Abduvohidov, G‘iyos Komilov, Jahongir Mehmonov, Ilhom Boydedayev, Dilshod Jabborov, A’zam

Aliyev, Azizbek Turg‘unboyev, Abbos Maxstaliyev, Oston O‘runov, Ravshan Hursanov. Zaxiradan maydonga tushganlar: Hojiakbar Yunusov, Akmal Turg‘unboyev, Ahmad Mamadaliyev, Abbos G‘ulomov, Iskandar Siddiqjanov, Bilol Toshmirzayev.

"Navbahor" klubi matbuot xizmati.