Angliyaning “Midlsbro” jamoasi yangi bosh murabbiyi Toni Pyulis Chempionship klubi rahbariyati taklifini qabul qilgani haqida gapirdi.

“Menga haqiqiy chaqiruv kerak edi. Bu esa “Stok Siti”ga borgan vaqtimni yodga soldi (ushbu mutaxassis qo‘l ostida “Stok Siti” 2007/08 yilda Chempionshipdan APLga chiqqandi).

Ishning boshlanishini sabrsizlik bilan kutyapman. Ayni damdagi ilk vazifam – klubdagilar haqida ma’lumot olish va tezkorlik bilan ochko yig‘ish.

Taklifni ayni damda qabul qilishimning sababi – oldinda o‘yinlar ko‘p va menga baho berishga vaqt yetarlicha bo‘ladi”, - deydi Toni.

“Midlsbro” Chempionshipning 23 turidan keyin turnir jadvalida 9-o‘rinni egallab turibdi.