Англиянинг “Мидлсбро” жамоаси янги бош мураббийи Тони Пьюлис Чемпионшип клуби раҳбарияти таклифини қабул қилгани ҳақида гапирди.

“Менга ҳақиқий чақирув керак эди. Бу эса “Сток Сити”га борган вақтимни ёдга солди (ушбу мутахассис қўл остида “Сток Сити” 2007/08 йилда Чемпионшипдан АПЛга чиққанди).

Ишнинг бошланишини сабрсизлик билан кутяпман. Айни дамдаги илк вазифам – клубдагилар ҳақида маълумот олиш ва тезкорлик билан очко йиғиш.

Таклифни айни дамда қабул қилишимнинг сабаби – олдинда ўйинлар кўп ва менга баҳо беришга вақт етарлича бўлади”, - дейди Тони.

“Мидлсбро” Чемпионшипнинг 23 туридан кейин турнир жадвалида 9-ўринни эгаллаб турибди.