Ser Aleks Fergyuson ketganidan keyin “Manchester Yunayted” jami 600 mln funtga yangi futbolchilar xarid qildi, ammo jamoa hamon APL chempioni bo‘la olmayapti. 2013 yilda afsonaviy Fergyuson iste’foga chiqqach, jamoa 22 ta futbolchi xarid qildi, biroq chempionlikka qaytish juda qiyin kechmoqda.
SAFdan keyin klubni Devid Moyes, Rayan Giggz, Lui van Gaal boshqardi. Ayni damda esa Joze Mourinyo murabbiylik qilmoqda. “Manchester Yunayted” Fergyusondan keyingi dastlabki to‘rt mavsumda chempiondan 22, 17, 15 va 24 ochko ortda qoldi. Joriy mavsumda esa “qizil iblislar” “Manchester Siti”dan 12 ochko ortda bormoqda, agar “shaharliklar” bugun “Nyukasl”ni mag‘lub etishsa, bu farq 15 ochkoga yetadi.
