Сер Алекс Фергюсон кетганидан кейин “Манчестер Юнайтед” жами 600 млн фунтга янги футболчилар харид қилди, аммо жамоа ҳамон АПЛ чемпиони бўла олмаяпти. 2013 йилда афсонавий Фергюсон истеъфога чиққач, жамоа 22 та футболчи харид қилди, бироқ чемпионликка қайтиш жуда қийин кечмоқда.
САФдан кейин клубни Дэвид Мойес, Раян Гиггз, Луи ван Гаал бошқарди. Айни дамда эса Жозе Моуриньо мураббийлик қилмоқда. “Манчестер Юнайтед” Фергюсондан кейинги дастлабки тўрт мавсумда чемпиондан 22, 17, 15 ва 24 очко ортда қолди. Жорий мавсумда эса “қизил иблислар” “Манчестер Сити”дан 12 очко ортда бормоқда, агар “шаҳарликлар” бугун “Ньюкасл”ни мағлуб этишса, бу фарқ 15 очкога етади.
