“Shapekoense” falokatidan omon qolgan, ammo bir oyog‘idan ayrilib, protez qo‘ygan Jakson Folman Braziliyadagi xayriya o‘yinida qatnashdi. Bu o‘yinda “Titening do‘stlari” (Tite — Braziliya terma jamoasi murabbiyi) hamda “Karillaning do‘stlari” (Karilla — “Korintians” a’zosi) o‘zaro kuch sinashdi.
Mazkur o‘yinda kutilmagan holat sodir bo‘ldi. Folman maydonga yotib oldi va protez oyoqlarining tomiri tortishib qolganini aytdi. Futbolchilar bu hazilga munosib javob qaytarishdi va darrov futbolchiga yordam ko‘rsatishdi. Bosh hakam ham bu holatdan kulgidan o‘zini tiya olmadi.
