“Шапекоэнсе” фалокатидан омон қолган, аммо бир оёғидан айрилиб, протез қўйган Жаксон Фолман Бразилиядаги хайрия ўйинида қатнашди. Бу ўйинда “Титенинг дўстлари” (Тите — Бразилия терма жамоаси мураббийи) ҳамда “Карилланинг дўстлари” (Карилла — “Коринтианс” аъзоси) ўзаро куч синашди.

Мазкур ўйинда кутилмаган ҳолат содир бўлди. Фолман майдонга ётиб олди ва протез оёқларининг томири тортишиб қолганини айтди. Футболчилар бу ҳазилга муносиб жавоб қайтаришди ва дарров футболчига ёрдам кўрсатишди. Бош ҳакам ҳам бу ҳолатдан кулгидан ўзини тия олмади.