UYEFA talqinidagi yilning ramziy terma jamoasidan joy olishga bu safar naq 50 nafar futbolchi da’vogarlik qildi.

Soccer.ru sayti esa elit ro‘yxatga qarab, eng yaxshi futbolchilarga o‘ziga xos ilhom bag‘ishlayotgan go‘zallardan ham ramziy jamoa shakllantirdi. E’tiborlisi, har bir hurliqoning pozisiyasi o‘z juftinikiga moslashtirildi!

Darvozabon - Edurne GARSIYA (David de Xeaning mahbubasi).

Janluiji Buffon va uning yangi turmush o‘rtog‘i Ilariya ranjishmasin, zero, ramziy jamoa darvozasiga David de Xeaning qallig‘i munosib ko‘rildi. Har holda, ispan kiperi chakki emas, Edurne esa 31 yoshda. Muhimi, ispaniyalik xonanda ham ancha mashhur.

Himoyachi - Joana SANS (Dani Alveshning turmush o‘rtog‘i). Braziliyalik himoyachining hamxonasi tabassum ulashish va noz-karashma qilishni xush ko‘radi.

Ispaniyalik model allaqachon sof «braziliyalik»ka aylanib ulgurgan. E’tiborlisi, Joana eridan naq 10 yosh kichik.

Himoyachi - Pilar RUBIO (Serxio Ramosning turmush o‘rtog‘i). Pilar «Real» sardori bilan tanishishidan oldin Ispaniyaning eng ehtirosli go‘zali maqomini olgan.

U hozir ikki nafar o‘g‘li tarbiyasi bilan mashg‘ul. Lekin oila tashvishlari qaddi-qomatiga sira ta’sir qilgan emas.

Himoyachi - Lina MAYER (Joshua Kimmixning mahbubasi). Kimmix bu yil o‘yin bobida katta o‘sishga erishdi va bunda hurliqo Linaning hissasi ham bor, albatta.

Juftlik hozircha ijtimoiy tarmoqlarda faol emas, ammo universal himoyachi har qanday taqdirlash marosimiyu, tadbirlarga yosh mahbubasi bilan birga tashrif buyuradi.

Himoyachi - Rebekka TAVARES (Fabinyoning turmush o‘rtog‘i).

Fabinyo aslida himoyada o‘ynashni yoqtirmaydi, ammo uning hamxonasi serqirra va ko‘p narsalarni uddalaydi. Asosiysi, Ribekka xonim braziliyalik futbolchi qalbini batamom zabt etgan.

Yarim himoyachi - Sara SALAMO (Iskoning mahbubasi). DAVOMI

InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.